Popular Countries

ਪੁਲਿਸ ਦੀ ਮਾਰ-ਕੁੱਟ ‘ਤੇ ਭੜਕੇ Rishi Kapoor, ਕੀਤਾ ਟਵੀਟ

By Harpreet Kaur . 28th March 2020 11:30am
ਪੁਲਿਸ ਦੀ ਮਾਰ-ਕੁੱਟ ‘ਤੇ ਭੜਕੇ Rishi Kapoor, ਕੀਤਾ ਟਵੀਟ



ਕੋਰੋਨਾ ਵਾਇਰਸ ਦੀ ਵਜ੍ਹਾ ਕਰਕੇ ਦੇਸ਼ਭਰ ਵਿੱਚ ਲਾਕਡਾਊਨ ਦਾ ਐਲਾਨ ਹੋ ਚੁੱਕਾ ਹੈ। ਜਿਸ ਦੇ ਮੁਤਾਬਿਕ ਹੁਣ ਆਮ ਤੋਂ ਲੈ ਕੇ ਖਾਸ ਤੱਕ ਸਾਰਿਆਂ ਨੂੰ ਘਰ ਵਿੱਚ ਹੀ ਬੰਦ ਰਹਿਣਾ ਹੋਵੇਗਾ। ਉੱਥੇ ਹੀ ਇਸ ਵਿੱਚ ਬਾਲੀਵੁਡ ਸਟਾਰਸ ਵੀ ਘਰ ਵਿੱਚ ਸੈਲਫ ਆਈਸੋਲੇਸ਼ਨ ਵਿੱਚ ਸਮਾਂ ਬਿਤਾ ਰਹੇ ਹਨ। ਅਜਿਹੇ ਵਿੱਚ ਸਾਰੇ ਸੋਸ਼ਲ ਮੀਡੀਆ ਉੱਤੇ ਖੂਬ ਐਕਟਿਵ ਹੋ ਗਏ ਹਨ। ਉਹ ਮੌਜੂਦਾ ਹਾਲਾਤ ਤੋਂ ਲੈ ਕੇ ਆਪਣੀ ਜਿੰਦਗੀ ਨਾਲ ਜੁੜੀ ਛੋਟੀ – ਛੋਟੀ ਗੱਲ ਵੀ ਸੋਸ਼ਲ ਮੀਡਿਆ ਉੱਤੇ ਜੁੜੇ ਫੈਨਜ਼ ਦੇ ਨਾਲ ਸ਼ੇਅਰ ਕਰ ਰਹੇ ਹਨ।


ਇਨ੍ਹਾਂ ਵਿੱਚ ਅਦਾਕਾਰ Rishi Kapoor ਵੀ ਸ਼ਾਮਿਲ ਹਨ ਜੋ ਟਵਿੱਟਰ ਉੱਤੇ ਲਗਾਤਾਰ ਪੋਸਟ ਕਰਦੇ ਹੋਏ ਵਿਖਾਈ ਦੇ ਰਹੇ ਹਨ। ਹਾਲ ਹੀ ਵਿੱਚ ਉਹਨਾਂ ਨੇ ਇੱਕ ਪੋਸਟ ਜਬਰਦਸਤ ਗੁੱਸਾ ਜ਼ਾਹਿਰ ਕੀਤਾ ਹੈ। Rishi Kapoor ਨੇ ਆਪਣੇ ਟਵੀਟ ਵਿੱਚ ਐਮਰਜੈਂਸੀ ਐਲਾਨ ਕਰਨ ਦੀ ਮੰਗ ਤੱਕ ਕਰ ਦਿੱਤੀ ਹੈ। ਉਹ ਟੀਵੀ ਉੱਤੇ ਪੁਲਿਸ ਦੀ ਮਾਰ ਕੁਟਾਈ ਦਾ ਇੱਕ ਵੀਡੀਓ ਵੇਖਕੇ ਬੁਰੀ ਤਰ੍ਹਾਂ ਨਰਾਜ ਹੋ ਗਏ। ਇਸ ਟਵੀਟ ਦੇ ਮੁਤਾਬਕ ਉਹਨਾਂ ਦੀ ਦੀ ਨਰਾਜਗੀ ਦੀ ਵਜ੍ਹਾ ਪੁਲਿਸ ਦੁਆਰਾ ਮੈਡੀਕਲ ਸਟਾਫ ਦੀ ਮਾਰ ਕੁਟਾਈ ਕੀਤਾ ਜਾਣਾ ਹੈ।




Rishi Kapoor ਨੇ ਟਵਿਟਰ ਉੱਤੇ ਲਿਖਿਆ – ਪਿਆਰੇ ਭਾਰਤੀਓ, ਸਾਨੂੰ ਐਮਰਜੈਂਸੀ ਐਲਾਨ ਕਰ ਦੇਣਾ ਹੋਵੇਗਾ। ਵੇਖੋ ਪੂਰੇ ਦੇਸ਼ ਵਿੱਚ ਕੀ ਹੋ ਰਿਹਾ ਹੈ। ਟੀਵੀ ਦੀ ਮੰਨੀਏ ਤਾਂ ਲੋਕ ਪੁਲਸਕਰਮੀਆਂ ਅਤੇ ਮੈਡੀਕਲ ਸਟਾਫ ਨੂੰ ਕੁੱਟ ਰਹੇ ਹਨ। ਹਾਲਤ ਨੂੰ ਨਿਅੰਤਰਿਤ ਕਰਨ ਦਾ ਕੋਈ ਹੋਰ ਤਰੀਕਾ ਨਹੀਂ ਹੈ। ਸਿਰਫ ਅਜਿਹਾ ਕਰਨਾ ਹੀ ਸਾਡੇ ਸਾਰਿਆਂ ਲਈ ਵਧੀਆ ਹੋਵੇਗਾ। ਇਸ ਨਾਲ ਪੈਨਿਕ ਦੀ ਸਥਿਤੀ ਫੈਲ ਰਹੀ ਹੈ। ਇਸ ਟਵੀਟ ਦੇ ਜ਼ਰੀਏ ਰਿਸ਼ੀ ਕਪੂਰ ਦਾ ਕਹਿਣਾ ਹੈ ਕਿ ਹਾਲਤ ਨੂੰ ਕਾਬੂ ਵਿੱਚ ਲਿਆਉਣ ਲਈ ਐਮਰਜੈਂਸੀ ਐਲਾਨ ਕਰ ਦਿੱਤਾ ਜਾਣਾ ਚਾਹੀਦਾ ਹੈ।




ਇਸ ਟਵੀਟ ਉੱਤੇ Rishi Kapoor ਨੂੰ ਜਬਰਦਸਤ ਪ੍ਰਤੀਕਰਿਆਵਾਂ ਵੀ ਮਿਲ ਰਹੀਆਂ ਹਨ। ਕੋਈ ਉਹਨਾਂ ਦੀ ਗੱਲ ਨਾਲ ਸਹਿਮਤ ਨਜ਼ਰ ਆ ਰਿਹਾ ਹੈ ਤਾਂ ਕਿਸੇ ਨੇ ਇਸ ਦਾ ਵਿਰੋਧ ਵੀ ਕੀਤਾ ਹੈ। ਦੱਸ ਦੇਈਏ ਕਿ ਬਾਲੀਵੁਡ ਅਦਾਕਾਰ Rishi Kapoor ਕੋਰੋਨਾ ਵਾਇਰਸ ਨੂੰ ਲੈ ਕੇ ਲਗਾਤਾਰ ਸੋਸ਼ਲ ਮੀਡੀਆ ਉੱਤੇ ਐਕਟਿਵ ਨਜ਼ਰ ਆ ਰਹੇ ਹਨ।